Author: Կարեն Անտաշյան

[գաղջ + աղջամուղջ] ՍՍ-ի նախագահության ժամանակաշրջանի մայրամուտին Հայաստանի հանրապետությունում տիրող համընդհանուր բարոյահոգեաբանական մթնոլորտը: Համընդհանուր հուսահատության, արտագաղթի, տնտեսական անկման, բարոյալքման, մշակութային դեգրադացիայի հանրագումարը ներկայացնող եզրույթ: Առաջին անգամ գաղջ մթնոլորտ արտահայտությունն օգտագործվել է հենց ՍՍ-ի կողմից 2013թ-ի մարտի 19-ին, ինչից հետո համացանցային մեմերի ու ժողովրդական բանահյուսության մեջ բազմակի շրջանառվելուց հետո դարձել է մեծ ժողովրդականություն և ճանաչելիություն վայելող փոխաբերություն և այժմ մրցակցում է Լևոն Տեր-Պետրոսյանի պաշտոնավարման հետ ասոցացվող մութուցուրտ եզրի հետ:

Տես նաև՝ սերժատյացություն, մութուցուրտ, արտագաղջ, անսերժություն

Բառի հեղինակ՝ Գագիկ Կիլիկյան

[ծույլ + թուլամորթ] Աշխատանքային գործունեության հանդեպ զրոյական շահագրգռվածություն ունեցող անձ: Սեզոնային գույներից նախընտրում է սևը, աշխարհայացքներից՝ գողափիլիսիսոփայական դեդուկցիան: Ունի ժամկետանց մանր-սպառողական վարկ և փչացած սեղանատամներ: Ներքին համոզվածություն ունի, որ ֆինանսական որոշակի բարեկեցության հասած անձանց մեծ մասը դրան հասել են իրենց համար ստորացուցիչ պայմաններում, իսկ մնացած հարգարժանները՝ կպցրել են:

[Տարոն + պարոնայք] Երևանի քաղաքապետ պարոն Տարոն Մարգարյանին, իր աշխատակազմին և նրանց կողմից քաղաքային տնտեսության կազմակերպման (կազմաքանդման) մեթոդիկային տրված պսիխոսոմատիկ բյուրոկրատ-էլիտիստական համախտանիշի անվանումը: Կոնտր-քամահրական բնույթի արտահայտություն է: Հղում է այն հանգամանքներին, որ պարոն-տարոնի քաղաքապետութան ժամանակահատվածը աչքի է ընկնում Երևանի անճաշակ ձևավորման, բազմակի ասֆալտապատումներով և այլ չհիմնավորված գնումներով փողերի հափշտակման, պատմական մի շարք շենքերի քանդման և անճոռնի նորակառույցների կառուցման, կոմունալ տնտեսության վատ կազմակերպման հատկանիշներով։ Սրան զուգահեռ պարոն Տարոնն ու իր մերձակայքը քաղաքացիների հետ շփումներում հանդես են գալիս վերամբարձ ֆեոդալական բարեպաշտության փքուն դիրքերից և հաճախ նրանց թաղային ժեկի բառապաշարով անվանում՝ բնակիչներ։

Տես նաև՝ քանդոն, տարոնինակ, քաղաքապետքարան, քաքապետ, քաղաքակռտություն, պարոն-տարոն, դաստակավոր արտիստ, տարօֆֆ

Կիրառման օրինակներ

• «Պարոնայք Տարոնայք, Բարև Ձեզ: Ծարավ Աղբյուրի բնակիչները սրտնեղած են. նենց եք մաքրել, մի կտոր ձյուն չեք թողել, երեխեքը միքիչ խաղան:»
• «Իհարկե սիրունը տեսնելը ավելի հաճելիա, իհարկե կարելիա քաղաքի կենտրոնում ծաղիկներ տնգել ու հազար ռակուսից նկարել թե ոնց են տարոնայք գալիս ու ծաղկեդաշտերի բացում անում»

[դաստակ/վաստակ + ավոր + արտիստ] Ավելի շատ կռիվ-կռիվ խաղալու արվեստին քան դերասանական վարպետությանը տիրապետող, մարտաֆիլմի գլխավոր հերոսների մարմնավորող դերասան, մարտարվեստի նմանակող, ով անհարկի արժանացել է արտիստների համար նախատեսված կոչումների ու պարգևատրությունների: Նման աներևակայելի իրադարձություն հնարավոր է միայն, երբ շուրջը տոտալ գաղջամուղջ է տիրում: Դաստակավոր արտիստ ասելով նախ նկատի են ունենում Գոռ Վարդանյանին։

Տես նաև՝ մաստակավոր, նվաստակավոր, վաստաքավոր արտիստ