Զեթահայերեն

Զեթահայերեն – հայերեն բացատրական բառարան

աբյուզեր — հարաբերություններում ֆիզիկական կամ հոգեբանական բռնության դիմող անձ

այմ դան — մինչև կոկորդս կուշտ եմ, համբերությանս բաժակը լցվել է

աութսորս անել — սեփական հաստիքացանկի համար նախատեսված աշխատանքի իրականացումը պատվիրակել այլ կազմակերպության կամ անձի

առավելություններով ընկեր — (friends with benefits) ընկեր, որի հետ երբեմն սեքս ես անում, բայց ուղղակի, առանց հույզերի, ընկերաբար

բբգ (բեյբի գըրլ) — անուշս, անուշիկս, սիրելիության ու հոգատարության ժեստով ասված խոսք

բեսծի/բեսթի — ամենամտերիմ ընկերը

բիզի — զբաղված

բիվշի — նախկին սիրած

բլայնդդեյթ — բոլորովին անծանոթ մեկի հետ ժամադրության գնալը, պարելը, նույն սեղանին հայտնվելը

բոդիհեքինգ — տեխնիկատեխնոլոգիական միջոցների ինտեգրման կամ կենսաքիմիական նյութերի ներմուծման միջոցով սեփական մարմնի կարողունակության բարձրացմանն ուղղված գործունեություն

բոդիշեյմինգ — գեղեցկության ընդունված ստանդարտներից դուրս գտնվող մարմին ունեցող մարդուն ծաղրելը, ֆեթշեյմինգ՝ գիրության համար, սքիննի շեյմինգ՝ նիհարության համար և այլն

բուլլինգ — հատկապես աշակերտական կամ ուսանողական խմբի անդամին սևեռուն, պարբերական ստորացնելը, նարիժատ անելը

բուլշիթ — անհեթեթություն, նոնսենս՝ ճոռոմ, չափազանցված, անտրամաբանական, հավակնոտ խոսակցություն

բրեյք / պերերիվ  —  ընդմիջում

բրեյք ափ — բաժանվել

բրնաութ — գերհոգնած, հոգեբանորեն սպառված, մաշված

գազլայթինգ — հոգեբանական մալնիպուլյացիայի, բռնության ձև, սոցիալական մակաբուծություն, որի նպատակը արժեզրկող կատակների, անհիմն մեղադրանքների միջոցով մարդուն սեփական գործունակության ու սթափության վրա կասածել ստիպելն է

գլո ափ — հիմնականում ֆիզիկական բնույթի էական փոխակերպություն, որն ընկալվում է իբրև բարելավում

գոլ — նպատակ

դաքֆեյս — բադաշուրթ, հիմնականում կանանց կողմից, սոցիալական ցանցերում հրապարակման նպատակով ինքնանկար անելիս շուրթերը ուռեցնելը

դեդլայն — վերջնաժամկետ

դեյթ — ժամո, ժամադրություն, նաև հենց ժամադրյալը

դըֆաք — զարմանքի ու հուսահատության զգայական ֆոնն ընդգծող արտահայտություն

դիայուայ — DIY ինքնուրույն սեփական ձեռքերով արվող գործ, օրինակ կահույք հավաքելը կամ մի բան կառուցելը

դիսքաշն — քննարկում, վեճ, բանավեճ

դիքփիք — սոցիալական ցանցերով կամ մեյլով ուղարկվող առնանդամի լուսանկար։ Համարվում է էքսհիբիցիոնիզմի կամ սեռական ոտնձգության տարատեսակ

դիֆոլթ / դիֆոլթով տենց ա — ինքնաբերաբար, ինքնին ենթադրվող փաստ, ելային տվյալ

դըրթի թոք —  սեքսուալ, պոռնոգրաֆիկ բառապաշարով զրույց, սեքսուալ բնույթի զրույց, խոսակցություն

դոուփ — թմրանյութի ազդեցության պես էյֆորիկ վիճակ առաջացնող ինչ-որ բան

զասկամիծ — (заскамить мамонта) հարիֆին փող քցել ինտերնետային խարդախությամբ

զիփ արա — նեղ արա՝ տեղ արա

էպիկ — գերազանց

էնփիսի — (non-playing-charachter) լուզերի մի քիչ մայլդոտ ձևը

էսեմեյջ smh (shaking my head) — գլխի տմբտմբացնեը՝ հեչ լավ չի իմաստով

էքս — նախկին, նախկին զուգընկեր

թայմլայն — ժամանակագրություն, իրադարձությունների շարքը տեսողական կերպով ներկայացնելու Ժամանակագրությունը կամ ժամանակացույցը։

թարգեթ — թիրախ

թելո կպնել — տելեգրամով կրիպտո արժույթ գնելով կատարել թմրանյութի առք

թեյքըվեյ — հետդ վերցնելու պայմանով պատվիրված կամ ուտել-խմելուց հետո մնացածը տանելու պայմանով փաթեթավորված ուտելիք, խմիչք

թիմբիլդինգ — թիմի համախմբմանն ուղղված կորպորատիվ միջոցառում

թիմմեյթ — թիմակից

թոփլես — գոտկատեղից վերև մերկ, առանց կրծկալի, հիմնականում կանանց դեպքում է կիրառվում

թոքսիք դեդդի — իր ճաշակն ու նախասիրությունները երեխային պարտադրող հայր, ով չի վստահում նրա ընտրությանը

թրենդ — միտում, ուղղություն, զարգացման գիծ, նորաձեւություն

թրիփինգ անել — կտտցրած, տարօրինակ պահվածք, ոնցոր փսիխոդելիկ սնկեր կերած վիճակում

թիփսի — թեթև գինովցած, քեֆը լավ  

ինսայթ — էվրիկա, անսպասելի պայծառացում, որևէ խնդրի լուծման հանկարծակի գիտակցված հայտնաբերում, որը երկարատև անգիտակից մտավոր գործունեության արդյունք է։

ինստագրամըբլ — ինչ-որ տեղի, իրի, միջավայրի՝ ինստագրամում հայտնվելու վիզուալ էսթետիկ արժեքը, պոտենցիալը

ինտերվյու — հարցազրույց

իվենթ — միջոցառում

լայվ մտնել — սոցիալական ցանցում նախատեսված գործիքակազմով ուղիղ եթեր մտնել

լայքել — սոցիալական ցանցերում մեկի հրապարակումը հավանելը

լայֆհաք — որոշակի կենցաղային խնդրի խորամանկ լուծում, խիստ սահմանափակումներով իրավիճակից ելք գտնելու ոչ ֆորմալ հմտություն, փորձառական գիտելիք

լանչբրեյք /պերերիվ — ճաշի ընդմիջում

լանչել — ճաշել

լեգ դեյ — ոռահան լինելու օր, մինչև սպառվելը, ծանր տրված գործունեություն, որ կապված է եղել քայլելու, վազվզելու, ոտքերի օգտաործման հետ

լեյմ — անհամ, ձանձրալի, անհետաքրքիր մարդ

լիդ — մարդ, ով հետաքրրքված է ձեր ծառայություններով, պոտենցիալ հաճախորդ

լիթ — հրաշալի, արտակարգ (քուլ), ոգեւորիչ

լիթրըլի — բառացիորեն, հենց

լինքել — փոխկապակցել հիպերհղումով

լուզըր — հարիֆ, անհաջողակ, անբաշար

լուփ — ինչ-որ բանի վրա սևեռված լինել

լուք — ինստագրամերեն՝ տեսք, կերպար

լոքեյշն — տեղակայման վայր, տեղ, հասցե

լվլ ափ — որևէ հմտության, կարողության մեջ, կարիերայում, ուսումնական պրոցեսում անցում հաջորդ մակարդակ

ծյուբիկ — անհաջողակ տղա

կլադ, կլադչիկ — մեկ գրամ թմրանյութ թաքստոցում, այդ թմրանյութը թաքցնողը

հայփ — ագրեսիվ, կպչուն գովազդային արշավ, որի նպատակը սպառողներին ինչ-որ բանի թրենդայինությունը ներշնչելն է։ հայփ բռնել — նկարագրված գործընթացին մասնակցելը։

հայփ ափ — ինչ-որ թեմայի շուրջ հետաքրքրվածություն, ոգևորություն ներշնչելը, տարածելը

հաք անել — կոտրել, շրջանցել անշրջանցելի թվացող պատնեշը

հեդշոթ անել — խաղի մեջ կրակել, հարվածել հակառակորդի գլխին 

հեդհանթ — ինչ-որ մեկին գայթակղիչ աշխատանքի առաջարկ անելով այլ գործատուից քո ընկերություն ներգրավելը

հեյթել — չուզոցություն անել

հեյթեր — չուզող

հենգովեր — խումհար

հենդմեյդ — ձեռագործ

հոմմեյդ — տնական, տանը սարքել

մայնել — կրիպտոարժույթ գեներացնելու գործընթացը

մայնոր չեյնջ — չնչին փոփոխություն, որին ոչ ոք չի ընդդիմանա

մաստել — մաստուրբացիա անել

մենսփլեյնինգ — տղամարդկանց կողմից կանանց առանց այդ էլ հայտնի ինչ-որ բաներ բացատրելու հեգնականորեն պարզունակացված, սեքսիսատական ոճ

միթինգ — ժողով, հանդիպում, խորհրդակցություն, աշխատաժողով

մուդ / մօօդ — տրամ, հոգեվիճակ

յասսիֆիկացնել — հայտնի կտավների, լուսանկարներ, հայտնի, պատմական դեմքերի պատկերների գրոտեսկային սեքսուալացում, գլամուրացում արհետական բանականության ֆիլտրերի միջոցով

յոլո — մի անգամ ենք ապրում

նյուդ — մերկ նկարներ

նուբ, նուբիկ, նյուբ, նյուբի — նորեկ, անփորձ, անվարժ

շեյրել — կիսվել, հիմնականում սոցիալական ցանցի սեփական էջում ինչ-որ արտաքին հղում կամ ներքին հրապարակում

շեյքինգ մայ հեդ — օգտագործվում է ինչ-որ մեկի կամ ինչ-որ բանի հետ անհամաձայնության կամ նրանից հիասթափություն արտահայտելու համար

շիթի — ստորադաս, արգահատելի

շիփել — հարաբերություններ ունենալ

շիֆթել — փոխել դիրքը, ուղղությունը կամ իրավիճակը

շուգըր ֆրի  — առանց ավելորդ բարեհամբյուրության մարդ, լավ մարդ, ով կարող է ժամանակ առ ժամանակ կոպիտ լինել, թթու լինել

շուգր դադի — տարիքով առատաձեռն հարուստ տղամարդ, ով անխնա ծախսում է իր անհամաչափ երիտասարդ սիրուհու, զուգընկերուհու, յարի՝ շուգըր բեյբի պարարտ կենսակերպի համար

շուգր մամի — հարուստ կին, որ շռայլորեն ծախսում է իրենից երիտասարդ զուգընկերոջ համար նրա ընկերակցության կամ սեռական մտերմության դիմաց

ուոթդըֆաք — wtf, զարմանք ու անհամաձայնությունն արտահայտելու կոպիտ ձևուորքաութ — մարզանք, պարապմունք

չելենջ — մարտահրավեր, փորձություն

չեք ին —  զանգով․ գրվելով կամ այլ կերպ մեկի հետ կապի դուրս գալը, նրա բարօրությունը ճշտելու կամ ձեր բարօրությունը փոխանցելու համար, գծերը ստուգելը

չեքել — ստուգել

չիզի — ռաբիզ

չիլլել — կայֆոտ դոբռի լռվցնել, հանգստանալ

պռո — պրոֆեսիոնալ,  լավագույն

ջեթլագ — ավիաթռիչքի միջոցավ ժամային գոտու կտրուկ փոփոխության արդյունքում մարմնի բնական բիոռիթմի խանգարման համախտանիշը

ջիթ — տուպոյ, ոչ մի բան չիմացող ջահել

ռանդոմ / ռենդըմ — պատահական

ռելաքս — թուլացում, լարված վիճակից հետո հանգստանալը

ռենդըմ շիթ — որևէ կարգից, կանխատեսելիութոյւնից, սկզբունքից զերծ իրադարձություն, հանգամանք

ռիլի — իրոք

ռիքրութ անել — աշխատողների փնտրտուքն ու գործի տեղավորելը

ռուինել — հարամել, վարի տալ

ռումմեյթ — սենյակակից՝ հանրակացարանում, բնակարանում և այլն

ռումտուռ — տեսանյութ, որը ցույց է տալիս սենյակի կամ տան կահավորումը

սեքսթինգ — չաթով գրավոր ձևով սեքս անել

սթայլ շեյմինգ — ոճի ծաղրում

սթրիմվել — ուղիղ եթերով հեռարձակել վիդեո կամ այլ տվյալներ

սինք անել — համադրվել,  փոխճշգրտել

սնաք — թեթև, պուճուրիկ բզբզալու ուտելիքներ

ստարտափ — ինչ-որ նորարական գաղափարի վրա հիմնված կոմերցիոն ձեռնարկ, որ հավելյալ ֆինանսավորման կարիք ունի

սթենդափ — կատակերգական մոնոներկայացման թատերական ժանր, որի ընթացքում կատակերգուն, սովորաբար ելույթ է ունենում հանդիսատեսին ուղղակի դիմելու ոճով

սփոյլ անել / սփոյլել — կանխապատմել, նախապատմել գեղարվեստական ստեղծագործության սյուժեն՝ լսողին զրկելով այն դիտելու, կարդալու հաճույքից

սըփորթ անել — աջակցել, օգնել

սքիլ — հմտություն

սքրինշոթ — համակարգչի, հեռախոսի կամ այլ սարքի էկրանին վյալ պահին արտածվող պատկերի պաճենանկարը

սքրոլ անել — սարքի էկրանից երկար բովանդակությամբ կայքի կամ սոցիալական ցանցի էջը դեպի վար կամ վեր տեղաշարժելը

սիթյուեյշընշիփ —  երբ դեռ ձևակերպված հարաբերություններ (րիլեյշնչիփ) չկա, բայց կան նախադրյալներ, առաջին ժամադրության ակնարկներ

վայբ — ինչ-որ տեղի, կամ բանի ստեղծած զգայական ֆոնը, մթնոլորտը, ընդհանուր տրամադրությունը

վըջայնափիք — հեշտոցի լուսանկար

վիքթիմ բլեյմինգ — զոհին մեղադրելը

վոթեվը — զուտ, ինչորայա

տեղո — տեղական թմրախոտ

տենալ — ընկերոջը թմրախոտ հյուրասիրելը (էսօր ինձ տղերքը տենալու են)

տոպիկ / թոփիք — քննարկման թեմա, բաժին

տոքսիկ / թոքսիկ — թարախ, տհաճ մարդ, ուրիշներին ձեռ առնող, բամբասանքներ տարածող, ցինիկ անձնավորություն

ուիըրդ — տարօրինակ

փորն / պոռնո — չափազանց գռեհիկ, խառնաշփոթ, վերահսկողությունից դուրս եկած վիճակ 

քալըրբլայն — տեղը չբերող, ալիքները խառնող

քավվայի (kawaii) — կորեական սլենգով՝ քյութ, անուշ, պուպուշ 

քենսըլ — չեղարկել

քիսո — կրիստալ, կամ մետանֆիտամին

քյափ — սուտ

քյութ — աստղով, անուշ, քաղցրարյուն, ծիտ

քոզի, քոզիոտ — տաքուկ, ջերմ, հարմարավետ, տրամադրող

քոլ — զանգ, տեսազանգ։ Կիրառություններ՝ քոլլի լինել, քոլլ ունենալ, քոլի մեջ լինել  

քոնթենթել  — բովանդակություն ստեղծել

քոուչ — մարզիչ

քուլ —  զիլ, թույն

քրաշ — ում վրա խփնված ես, բայց ով սիրտդ կոտրում է

քրաշվել, քրաշ բռնել — անհաջող սիրահարվել

քրիբ — տուն, բնակարան (ապրելու տեղ իմաստով)

քրինջ — ուրիշի արած անհամության համար վատ զգալ, իսպանական ամոթի պես մի բան

օ-եմ-ջի — վայ մամա ջան, բառացի ՝ օ աստված իմ

օլդսքուլ — հին, բայց կայացած, ակտուալությունը չկորցրած, դասական ու արժեքավոր

օնբորդինգ անել — նոր աշխատողի ընդունման պաշտոնական և ոչ պաշտոնական ընթացակարգերի համախումբ է, որը սկսվում է աշխատանքի առաջարկի ստորագրման պահից և կարող է տևել մինչև 1 տարի՝ կախված ընկերության կորպորատիվ մշակույթից:

օսըմ — հիասքանչ, բոմբ

օվրդոզ — հոգնել, զզվել մի բանից, ինչ-որ բանի անտանելի, չափազանց ազդեցությունը քո վրա

օվրթայմ — արտաժամ աշխատանք

օվրթինք — մտասևեռման մեջ ծայրահեղության հասնել, չափազանց դարդ անել

օքեյ — շատ լավ

Ֆաքափել / ֆաքափ անել — տանուլ տալ, վարի տալ, պարտության մատնվել

ֆեմ — ընկեր կամ ընկերների նեղ, սիրելի շրջանակ

ֆեյլել — ձախողել, վարի տալ, տանուլ տալ, 

ֆեյսփալմ — ձեռքի ափով դեմքը փակելու ժեստով ուղեկցվող մանթոի ու անհարմարության զգացում

ֆինգըր ֆուդ — ձեռքերով ուտելու, բզբզալու ուտելիք 

ֆլեքսել — թիթիզանալ, գլուխ գովալ, կուռաժիտ ըլնել

ֆոլո ափ — խորանալ, հետազոտել հարցը, ավելի շատ տեղեկություններ հավաքել, նաև՝ հաճախորդի հետ վաճառքի գործընթացի ողջ ընթացքում կապ պահպանելը

ֆոտսեթ — մեկ ֆոտոսեսիայի ընթացքում արված լուսանկարների շարքը

ֆրենդզոն — կնոջ և տղամարդու միջը ընկերական հարաբերություններ, երբ նրանցից մեկը, սովորաբար տղամարդը փորձում է դրանք փոխադրել ավելի ռոմանտիկ կամ սեքսուալ բնույթի դաշտ