Category: Ա

[աղչիկ + мальчишник] Գենդերային հստակ ֆիլտրով ձևավորվող կազմով անբռնազբոսիկ արական քեֆի ֆեմինիստական փոխադարձը։

[աղքատ + աշխատանք] աշխատանք, որը անկախ իր ծանր բնույթից, ոչ մի կերպ աշխատակցի ֆինանսական վիճակի բարելավում չի ապահովում, ավելին, երաշխավորված կերպով կանխորոշում է դրա անհնարինությունը։

[անթերի + աթեիստ] մարդ, որ տառապում է ամեն ինչ՝ անգամ ամենաչնչին ու անկարևոր մանրուքները ճշգրիտ ու անթերի անելու ուտպիստական սևեռումից, անկախ ժամանակի, առողջության ու մնացած չվերականգնվող ռեսուրսների սահմանափակությունից, պերֆեկցիոնիստ։

[ԱԺ/ազիզ + ջան] ընտրակեղծիքներով, ընտրակաշառքով ձևավորված ձեռնասուն, ջերմոցային օրենսդիր մարմին կամ ասքային ժողով, որը հանրահռչակված կամ ստվերային սեփականատիրոջ կախարդական «աժժջան» գաղտնաբառ-հրահանգով կարող է  քննարկել և ընդունել ցանկացած օրենք, որոշում, հայտարարություն։

Հայոց նորագույն պատմության մեջ աժժջանի ամենադասական օրինակները եղել են 5-րդ և 6-րդ գումարման ազգային ժողովները, որտեղ ՍՍ-ին պատկանող ձեռնասուն մեծամասնությունը կազմում էր քրեաօլիգարխիկ հանրապետականքը, այն է՝ զոռավար գեներալիտետը, մի քանի մշակույտային գործիքները, մենաշնորհային մոլագարխները, ուսխորհրդային երիտհանրապետականքը և այլք։

Հրահանգավորման օրինակ՝ աժժջան, մի հատ էս հարկային օրենսդրության փոփոխությունը կստորագրե՞ս – վռազ եմ, աժժջան մի հատ էս տնտեսական մենաշնորհը կարտոնե՞ս, աժժջան, մի հատ էս հայուգենին անհարիր երևույթը կդատապարտե՞ս, աժժջան, մի հատ էս պայմանագրին կողմ լինելով դեմ կքվեարկե՞ս, աժժջան, մի հատ կպպզես վրովդ թռնեմ, աժժ ջան, մի հատ դառը կոֆե ու հաշիվը։

Որպեսզի թավշյա հեղափոխությունը գողափոխության չվերածվի և Հայաստանն ի վերջո ունենա ընտրված օրենսդիր մարմին, Նիկոլ և պայմանագրայիններ անսահամանափակ պատասխանատվությամբ ընկերությունը 2018-ի մայիսից ձեռնարկեց սույն պատգամավոռների հասցեական պիղծինգ ռեալիթի շոուն։

 

Բառի համատեքստը՝ ՀՀԿ համամասնական ցանկով ընտրված ԱԺ պսեվդոպատգամավոր հայտնի ներմուծաբան Սամվել Ալեքսանյանի կողմից լրագրողներին դիմելու՝ աժժ ջան արտահայտության վերաիմաստավորումն է։

[անմոռուկ + ոռ] անմոռուկը՝ Հայոց ցեղասպանության 100-ամյակի առիթվ շրջանառության մեջ դրված խորհրդանիշը, հայոց մեջ ֆենոմենալ գերսգահարույց խորհրդանիշ դարձավ։ Թողարկվելուց քիչ անց այն սկսեց պատել հնարավոր ամեն ինչ և ամենքին՝ երբեմն պատկերվելով անգամ բոլորովին անհարիր և անհարմար այնպիսի մակերեսների, ինչպիսիք են՝ ծննդյանն տորթը և մանիկյուռը։ Հայոց հարյուրամյա վշտի գերսևեռումն ու ֆետիշացումն այդ կասկածելի խորհրդանիշի մեջ տեղիք տվեց սրամիտներին այն երբեմն անմոռուկի փոխարեն անվանել անոռուկ։

[anti + դոդիկ] կարդացվում է՝ անծիդոձիկ: Ի ծնե նրբազգաց հոգի ունեցող և քնքշաբարո արական սեռի առանձնյակների սոցիալական վարքի կամ հագուկապի միջոցների համախումբ, որոնք օգնում են վերջինիս ապացուցել իր բրուտալ առնականությունը: Օրինակ անտիդոդիկ էֆեկտ կարող է ունենալ ծխելը, մորուք պահելը (տես՝ թրաշամանուկ ) ալյա ծիծակ կամ կասծյում-շալվար հագուկապը, խոշոր եղջերավոր (տես՝ եզզ ) ամենագնաց վարելը, տեղին-անտեղի ուշունց տալը և այլն:

 

[աղքատ + աշխատավարձ] Հայաստանի հանրապետության նվազագույն աշխատավարձը, որը, ինչպես հայտնի է, ոչ միայն չի օգնում հաղթահարել աղքատության շեմը, այլ անգամ թույլ չի տալիս հոգալ գոյատևման համար անհրաժեշտ նվազագույն ծախսերը:

Տես նաև՝ քյասիբահայություն

[ակտիվիստ + ցիստիտ] քաղաքացիական պայքարի ակտիվիստին բնորոշ պահվածքի առհանրային իմիտացիա Ստանիսլավսկու սիստեմի լավագույն ավանդույթներով՝ սեռահասունացման կամ առավել հասուն տարիքի անձնական բնույթի հոգեբանական խնդիրների սուբլիմացիայի, քաղաքական կամ գռանտային ռեսուրսի ձևավորման կամ ձանձրույթի հաղթահարման դրդապատճառներով: Ինքնադրսևորվելով և մասնագիտանալով քաղբանտարկյալների իրավունքներից մինչ փողոցային կենդանիների պաշտպանությունը՝ ակտիվիստիտով տառապող առանձնյակները ինքնամոռաց դոշ են ծեծում ցանկացած տեսաձայնագրող սարքի առկայության պայմաններում, իսկ առցանց ռեժիմում «հրապարակներում հանուն արդարության այրվելու պատրաստ» անձի զգացմունքայնությամբ ստատուսներ փոստում կասկածելի հաճախականությամբ:

Երբեմն օգտագործվում է նաև առավել հայեցի՝ պայքարիստ տարբերակը: Տես նաև՝ պացիֆիստիտ: