այլերեն

[ժողովրդավարություն/վառություն] կեղծ ժողովրդավարություն, որի արդյունքում ժողովրդի կենսամակարդակը ոչ թե բարելավվում, այլ անկում է ապրում:

Տես նաև՝ հրապարապախոսություն

[переспам] համացանցային մարքեթինգի գործիք, էլեկտրոնային փոստով գովազդային բնույթի նամակների տեղատարափ, որ հիմնականում կանխվում է ժամանակակից էլ-փոստի ծառայությունների կողմից։

Էլեկտրոնայի փոստարկղերը հիմականում փոստահարվում են էրոտիկ բնույթի ծառայություններ և ապրանքներ վաճառողների և Ռուանդայում անսպասելի մահացած և ձեզ մի քանի միլիոն դոլլար կտակած ձեր անհայտ բարեկամի փաստաբանների կողմից։

[լրագրող + գող] լրագողություն իրականացնող անձ, ով օպերատիվ կարգով ընթացիկ լրահոսում հայտնված որևէ տեղեկատվություն իր անունից վերահրատարակում է սեփական զանգվածային լրատվամիջոցում կամ սոցիալական ցանցի հարթակում առանց տեղեկատվության աղբյուրին հղում անելու։ Կարող է լինել ինչպես ուղղակի արտատպման, այնպես էլ վերափաթեթավորման տեսքով։

Լրագողությունը գրագողության տարատեսակ է։

Տես նաև՝ լռագրող

[գերակա/ագահ + շահ] բռնի վարչարարության գործիք, որով կոռումպացված պետական մարմինը որևէ քաղաքացու սեփականության իրավունքը նրա կամքին հակառակ և նրան ոչ ձեռնտու պայմաններով ստորադասում է իր կողմից հովանավորվող խոշոր կապիտալի խոշորածավալ որևէ նախագծի՝ օրինակ բնակելի թաղամասի շինարարությանը, հանքահենությանը և այլն։

[ծրագիր + програмист] ժողովրդական բանահյուսության մեջ ծրագրամիստ են կոչվում համակարգիչների վրա, շուրջ, մերձ, առիթով և առընչությամբ աշխատանքային գործունեություն ծավալող բոլոր այն մասնագետները, ովքեր զբաղված են հաքմեջ արած օպերացիոն համակարգ էժանով նստցնելուց մինչև բարձր տեխնոլոգիական ինովացիոն բարդ տեխնոլոգիական խնդիրներ լուծելը։