ներխուժաններ

[ներխուժել + խուժաններ] Ազգային անվտանգության ծառայության հատուկ գերատեսչություն, որի հիմնական գործառույթները կայանում են  Գաղջահայաստանի խորհրդանիշ հանդիսացող դեգենեռալների, մոլիգարխների և այլ անհայտ ձեռներեցների կալվածքներ օրենքի տառին համապատասխան, շնորհքով ներխուժելը, ազգային անվտանգությանը սպառնացող ռիսկերը բացահայտելն ու տեսագրությունը հանրայնացնելը։

Հեղափոխությամբ դուխավորվԱԱԾ ներխուժանների դիմակավոր ստորաբաժանումները գավառ առ գառավ լիսկաթափում են բռնազավթված հայոց անդաստանները։ Ներխուզումից հետո ամենաթողությունից հաբռգած ֆեոդալ-ճոյտատիրական հաստավիզնեսը հեղափոխության դատին է հանձնում ոչ միայն քաղաքատնտեսական դիրքերն այլ նաև սեփական եզաճկուն մերձավորներին՝ հավատարմության և օրինապահության քֆուր ուտելով։

Չնայած հեղափոխությունը թավշյա է, ներողամիտ և խրախուզում է շակալաքլորների ինքնամեղանչը, այնուամենայնիվ որոշ առանձնակի ծանր դեպքերում քյալբանտարկյալների ու չաղբանտարկյալների գոյությունից խուսափել չի հաջողվում, ինչպես օրինակ տուշոնկա Մամվելի  մորակառույցում առաջնագծից թալանված զինվորական ծանրոցների հայտնաբերումից հետո։

Կարգախոսը․ «Ինչ անում ենք, շնորհքով ենք անում, ինչ անում ենք՝ լայվ»։

Համատեքստը․ Արտահայտությունը ծնվել է Շմայս մականունով հայտնի Առաքել Մովսիսյանի բնակարանում 2018 թ․ ԱԱԾ-ի անցկացրած խուզարկության մասին վերջինիս տված մեկնաբանությունից, այն է՝ «․․․ շատ շնորհքով, օրենքի տառին համապատասխան ներխուժել են իմ տուն․․․»

 

Share Button

թյուրիզմ

[թյուր + տուրիզմ]  Տուրիզմի և դրա զարգացման անվան տակ մատուցվող բոլոր այն օրենքները, հայեցակարգերը, ձեռնարկները,  պռոեկծիկները, մեգանախագծերը, պարապախոսութուններն ու հատկապես անգործությունը, որ ուղղակիորեն վնասում է Հայաստանում ներգնա տուրիզմի ոլորտի կայացմանը։

Հայաստանը թերևս միակ երկիրն է, որտեղ անգամ գործում է (համենայն դեպս մինչև թավշյա հեղափոխությունը) մի աբմողջ թյուրիզմի վարչություն, որի պետերը սովորաբար ոլորտի իրական մարտահրավերներին անտեղյակ կամ դրանք ընդունելու լծակներ չունեցող անձինք են եղել։

Թյուրիզմի քաղաքականության տակ միանգամից տեղավորվում են հանքաարյունարբության բոլոր ձեռնարկները, հայոց ճանապարհաշինության տասհազարամյա ավանդույթը, արտաքնոցային ենթակառուցվածքների համախառն դեֆիցիտը, թանկ ավիատոմսերը, մեկ էլ են թուրքական խույնզգույն կտորը, որ հայեցի էթնոմիջավայր ստանալու համար օգտագործում են սփռոցներ և տարազներ կարելով։

Թյուրիզմի կամ անդուրիզմի դրսևրումենր են նաև քաղաքային և գյուղական էնդեմիկ միջավայրերի, ճարտարապետական միջնադարյան կոթողների եվրոռեմոնտը տեղական ինքնակառավարման քանդոնների և այլ բարեքանդների կողմից։

 

Բառի սկզբնաղբյուրը՝ Արա Պետրոսյանի ֆեյսբուքյան գրառում

Share Button

լայվամարդ

[live/լավ + մարդ] ուղիղ վիդեոեթերներով իր կյանքի ու գործունեության մասին հանրության հետ անվերապահորեն կիսվող մարդ։ Հասկացությունը ծնվել է թավշյա հեղափոխության արդյունքում ՀՀ վարչապետ ընտրված Նիկոլ Փաշինյանի կողմից ֆեյսբուքյան ուղիղ եթերներով (live մտնելով) թափանցիկ և հաշվետու աշխատելաոճի ցուցադրման նախադեպից։ ՆՓ-ի շնորհիվ լայվամարդ լինելն  իբրև հաղորդակցության միջոց դարձավ քաղտեխնոլոգիա ու եթե մինչ այդ վիդեո բլոգինգի (վլոգինգի) միջոցով իրապատումներ (ռեալիթի շոուներ) վարելու պրակտիկան  հիմնականում գոյություն ուներ շարքային մարդկանց և նրանց շարքային կենցաղավարության շրջանակներում, ապա հիմա այն դարձել է ուղիղ ժողովրդավարության գործիք՝ հավասարության նշան դնելով հետևորդի (ֆոլոուեր, սըբսքրայբեր), օգտատիրոջ (յուզեռ) և ընտրողի միջև։

Տես նաև՝ դբա լայվը, լայվություն, լայվամարտ, լայվագույն, լայվ էլի, Նիկոլի թիվ, Նիկոլ լայքաբեր,  նիկոլամոլություն

Share Button

կադրբեջան

[կադր + Ադրբեջան] Հայաստանում Թավշյա հեղափոխությունից և իշխանափոխությունից հետո  պետական կարևոր պաշտոններում համախառն կադրային նշանակումների ընթացքում ձևավորված անառողջ թշնամական մթնոլորտ՝ համեմված աթոռակռվի հետամուտ հավակնոտների ճռվողյունով և նշանակումների հանդեպ ժողովրդական տարակարծության խառնաշփոթով։

Կիրառման նախադեպ՝ 

Մենք կադրբեջանի վերածելու հայրենիք չունենք։

Share Button

գալուստոտել

[Գալուստ + Արիստոտել] ՀՀ Ազգային ժողովի 10-րդ նախագահ, ՀՀԿ կարկառուն անդամ Գալուստ Սահակյանին ժողովրդի կողմից տրված մականուն, որն արտահայտում է զառամախտի հատկանիշներով բնորոշվող նրա բանավոր խոսքի աբսուրդ-փիլիսոփայական, աֆորիստիկ բնույթը։ Գրիգորիչի մտքի գոհարները հիմնականում ծնունդ են առնում հանրապետականքի շուրջ առաջացած որևէ կոռուպցիոն սկանդալի մեկնաբանության, վերաիմաստավորման և արդարացման նրա բթամիամիտ ջանքերի արդյունքում։

Գալուստոտելը ժողովրդական բանահյուսության մեջ դարձել է անհնարինության չափ տափակ ու անիմաստ մտքերի արտահայտման հոմանիշը և առիթ տվել մառազմատիկ աֆորիզմների մի ամբողջ ժանրի ծնունդին։ Ըստ այս ժանրի հիմնական կանոնի՝ ցանկացած անհեթեթ միտք, որը ստորագրված է մաեստրոյի անունով՝ արդեն իսկ ծիծաղելի լինելու հավակնություն ունի։

 

Գալուստոտելի թևավոր խոսքերից

  • Հրապարակում 100,000 մարդ չի կարող տեղավորվել՝ առավել ևս 40,000։
  • Ծնունդիս համար շնորհակալ եմ ծնողներիս՝ հատկապես հորս և մորս։
  • Բիզնես ունեցողը դեռ բիզնեսմեն չէ:
  • Ցմահ կլինի մահապատիժը:
  • Դեմ լինելը դա ընդդեմը չէ:
  • Երեխաները պարտավոր են մեծանալ։
  • Ես տեսել եմ ձեր մերկությունը եւ չեմ գայթակղվել։
  • Հայաստանում կոռուպցիա չկա, կաշառակերություն՝ կա:
  • Լուրջ մարդկային փոխհարաբերություններում բոլորը պետք է փոխհարաբերվեն:
  • Չափներդ ճանաչեք: Չափից եթե դուրս եք գալիս, անչափ չեք դառնում:
  • «Ոչ» արտահայտություն չկա, դա «չէ»-ն է, իսկ «չէ»` նշանակում է ոչ էական»:

Բառի հեղինակ՝ Սևո Սևոյան, ֆեսյբուքյան գրառում

Share Button

նիկոլամոլություն

[Նիկոլ + մոլուցք] Նիկոլամոլությունը 2018 թվականին կայացած հայոց բաց ձեռքերի հեղափոխության առաջնորդ Նիկոլ Փաշինյանի հանդեպ՝ տոտալ սերժատյացությունից հետո պոռթկած ժողովրդական սիրո խելահեղության հասած դրսևորումների հավաքական անվանումն է։

Նիկոլամոլության դրսևորումներից են շարժման ընթացքում ճանաչելի դարձած հեղափոխական ռեկվիզիտ-խորհրդանիշերի ֆետիշացումը՝ օրինակ Նիկոլի ուսապարկին, Նիկոլի գլխարկինՆիկոլի մորուքին, Նիկոլի հազին գերբնական հատկություններ և միֆականություն վերագրելը։ Այս խորհրդանիշերը բուռն թափով սկսեցին հայտնվել օնլայն ու օնսթրիթ բոլոր հնարավոր կրիչների վրա՝ ֆեյսբուքահայության պրոֆփիքերից մինչ բադապռոշ հայուհիների մանիկյուրը։

Որոշ ինտելեկտուալ հոռետես շրաջանակներ այս դրսևորումներից ելնելով սկսեցին  բարձրաձայնել հայոց մեջ անձի պաշտանմունքի սաղմնավորման մտահոգությունը։ Ըստ այդ դեռ չհաստատված հիպոթեզի շուտով Հայաստանի բարձրադիր գողտրիկ գոտիներում  Սուրբ Նիկողայոսի անվան ինքնագործ մատուռներ կբացվեն, որտեղ սիրո հողափոխության մասունքներով չբերություն կբժշկեն, կյանքի զուգընկեր գտնելու խնդիրներ կլուծեն և լևի գնացող ամուսինների պոտենցիան նվազեցնող ծիսակարգեր կիրականացնեն լոկալ հմայագետնեը։

Տվյալ պահի դրությամբ, հետհեղափոխութան պայմաններում որևէ չափելի ցուցանիշի տատանում դժվար է արձանագրել, այսինքն, ինչպես երկրի տնտեսական ՀՆԱ-ն (համախառն ներքին արդյունք), այնպես էլ մարդաբանական ՀՆԱ-ն (համահայկական նիկոլամոլության ախտանիշ) այս պահին էական աճ չեն գրանցել։

Տես նաև՝ բոշինյան, նիկոլիզմ, նիկոլի վկաներ, նիկոլի թիվ, նիկոլապատում, նիկոլանջելո, արմենիկոլ, նիկոլոդեոն

Share Button

պիղծինգ

[պիղծ + piercing] ժողովրդական ինքնաբուխ ահեղ դատաստան՝ իրագործված իր ծոցից ելած որևէ հանրային անձի կամ կառույցի հանդեպ, որի արդյունքում տվյալ սուբյեկտի հեղինակությունը ցմահ հավասարեցվում է Դիլիջան – Վանաձոր ավտոճանապարհի փոսերի հայրենական ցեխաջրին։ Ճիշտ է, մի կողմից ժողովրդին վերագրվում է կարճաթև հիշողություն՝  սեփական պատմության տված դասերը չսերտելու իմաստով, բայց մյուս կողմից երկարաժամկետ հեռանկարում այն իր անառակ զավակներից և ոչ մեկի հակավաստակն անգնահատելի չի թողնում։

Ժողովրդական պիղծինգի ակցիաների արդյունքում են ծնվել աշոծյան եղիր, էշարմազանով, ԿԿել անԿԿելին, դահկանացու միհրան, տուշոնկա Մամվել, շահավետ բարսեղյան, վախտին մարդազարյան, Հայ Յարմարվողական Դաշնակցություն, հորինած երկիր, լրբազան բրթողիկոս և այլ բազմաթիվ այլերեն եզրեր։

Share Button

խենթանի

[խենթ + կենդանի] խենթանին սեզոնային հորմոնալ պայթյունից սեռաքաղցի մատնված կենդանին է, ով ունակ է տարբեր տեսակի աներևակայելի խենթություններ գործել՝ միայն թե արժանանա իր տենչանքի սուբյեկտի հետ զուգավորման հնարավորությանը։ Տվյալ դեպքում մարդն ու կենդանական աշխարհի որևէ այլ ներկայացուցիչ հավասարեցվում են։ Իբրև խենթանական վարքագիծ կարող է դիտարկվել լայն դիապազոնի գործողություններ՝ սիրային տխուր ոտանավորներ գրելուց մինչև մրցակցին պոզահարելով կամ դանակահարելով ջախջախելը։ Եթե կենդանական աշխարհի ներկայացուցիչների մոտ բնորոշվում է հստակ սեզոնայնությամբ և հարսանեկան սիրախաղի օրինաչափ մասն է, ապա մարդկային առանձնյակների համար ավելի շուտ տարիքային վարքագծի բաղադրիչ է։

Share Button

սրտել

Սրտելը կամ սրտիկելը սոցիալական ցանցերում որևէ օգտատիրոջ կողմից կատարված հրապարակումին մեկ քլիքով արձագանքելու հնարավոր սահմանափակ ապրումիկներից մեկն է՝ ի թիվս լայքամատի, հռհռուկի, զմայլիկի, լացուկացի, ջղացկոտի և վատամատի։

Պատկերագիրը՝ կարմիր սիրտ։

Սրտելով՝ սրտիկողը սովորաբար արտահայտում է գրառման կամ նրա հեղինակի իր սրտով լինելու հանգամանքը կամ առնվազն ակնարկում անկախ առիթից օգտատիրոջը սրտակցելու իր ստատիկ մտադրությունը։ Հաճախ օգտագործվում է նաև հեգնական իմաստով՝ արտահայտելով տվյալ գրառման հետ համաձայն չլինելու, բայց մեծահոգաբար այն կարեկցանքի և բարի ժպիտի արժանացնելու ժեստը։

 

Տես նաև՝ հաճախասրտություն

Share Button

կկել

Էրոտիկ-բարոյախրատական բնույթի գործողություն՝ իրագործված առանձնահտուկ վարպետությամբ, մանրախնդիր էսթետիկայով և պատանեկան խանդավառությամբ։ Սովորաբար կկելու ներգործական պրոցեսը ենթադրում է կկողի կողմից կկվողին պատժելու, դաստիարակելու, խրախուսելու անգամ երջանկացնելու հայտագրված նպատակներ։ Ավելին, սույն գործընթացի բուն նպատակը հենց այդ փաստը կամ մտադրությունը հայտագրելը, հանրայնացնելն է և բնավ չի ենթադրում փաստացի իրագործման անհրաժեշտութուն։

Թարմացում։ 2018 թ-ին ՀՀ Վարչապետ Սերժ Սարգսյանի հրաժարականից հետո փոխվարչապետ Կարեն Կարապետյանի (ԿԿ) այդ պաշտոնի հանդեպ դրսևորած հավակնությունների համատեքստում Նիկոլ Փաշինյանի առաջնորդած թավշյա հեղափոխության ջատագովները ԿԿելը դիտարկեցին իբրև հեղափոխության երկրորդ փուլի հիմնական գործիքակազմ։ Այսպիսով բայը ձեռք բերեց նոր քաղաքական նշանակութուն՝ պահպանելով նախկին և հիմնական էութունը։

Share Button